Cagayan de Oro – Musalmot ug mupahigayon ang buhatan sa City Hall Employees Multi-Purpose Cooperative Inc. (CHEMCO) og sunod-sunod nga mga kalihokan sa pagtimaan sa tinuig nga pag-obserbar sa Cooperative Month sa nasud. Mao kana ang gikompermar ni ma’am Myrna Castro Dangcal sa City Information Office kinsa naglingkod isip usa sa CHEMCO’s board of mga direktor.
Iyang gipahibalo atol sa flag raising program niadtong Lunes sa buntag nga gipasiugdahan sa City Agricultural Productivity Operations Office (CAPOO) nga kini nga mga kalihokan naglakip sa blood letting ug libreng medical screening programs.
Ang local Cooperative Month nga selebrasyon ilusad sa Provincial Capitol grounds sa alas 6 sa buntag sa sunod Domingo, Okt. 1 ning tuiga.
Written by Cheleste Simene
Photo by CIO-CDO