Ang buhatan sa BJMP Dipolog City Jail Male Dormitory nipahihayon ug mangrove planting isip restoration initiative,diin 200 ka mga propagul ang natanom, kini nunot sa “Pagpugas sa mga liso sa kalig-on: Pagpasig-uli sa atong mga coastal guardians, usa ka bakhaw sa usa ka higayon.” didto sa Tulay de Oro, nahimutang sa Brgy. Olingan ning syudad sa Dipolog mga alas 7:30 sa buntag, Abril 5,2024.
Ang maong buhat gisalmotan sa 12 ka mga personnel gikan pasilidad sa Bjmp, sa pagpangulo ni CINSP ARVIN DAN R AGUITO, City Jail Warden, uban ni INSP ROLLY L PANER, Asst. Jail Warden, ug pinaagi sa koordinasyon sa Unit CRS, SJO1 Sheila B Dela Victoria ngadto sa Provincial Environment Management Office kon (PEMO).
Si Senior Environmental Management Specialist, Forester Victor T. Alcalde, mipadayag ngadto sa mga personahe sa pasilidad aron sa pagpasabot sa hustong pagdumala ug mga pamaagi sa pagpananom, sa ingon niini masiguro ang malampuson nga mga paningkamot sa pagpasig-uli ug mapadako ang ekolohikal nga mga benepisyo sa bakhaw, sama sa pagpanalipod sa baybayon, probisyon sa puy-anan para sa marine life ug biodiversity enhancement sulod sa coastal ecosystem sa dili pa aktual nga pagabuhaton ang maong kalihokan. (Medalyn U. Borja)
(Source: Bjmp Dipolog City Jail Male Dormitory)
