Ang buhatan sa Bjmp Dipolog City Jail Male Dormitory mipahigayon ug usa ka Walk-In X-ray alang sa mga Persons Deprived of Liberty (PDL) sulod sa pasilidad mga alas 9 sa buntag niadtong Oktubre 4, 2024.
Ang maong aktibidad ubos sa pagtugot ni Jail Chief Inspector,MANUEL U CALIBO, City Jail Warden, uban sa suporta ni Jail Officer 2 Albert B Repaja ug Jail Officer 1 Kimberly S Batac, mga duty Jail Nurses, tulo ka personnel sa ang mobile xray, nagpahigayon ug walk-in chest xray pinaagi sa Mobile Xray sa Bjmp Dipolog CityJail MaleDormitory diin mukabat sa Kinatibuk-ang Usa ka gatos Singkwentay Singko (155)ang nakabenepisyo sa maong Libreng Xray.
USA kini ka pagpasiugda sa Zamboanga Peninsula Center for Health Development (ZPCHD) National Tuberculosis Program (NTP) sa pakigtambayayong sa Philippine Business for Social Progress (PBSP).
Muabot ngadto sa 154 o 100% sa kinatibuk-ang populasyon sa prisohan ug usa ka personnel sa Bjmp Dipolog City Jail Male Dormitory ang nakabenepisyo usab niini
Nahimo kining mahinungdanon alang sa PDL aron sa sayo pa ma-ila ug matambalan ang nagkadaiyang isyu sa panglawas,isip pagpakita sa kaayohan sa kinatibuk-ang pag-atiman sulod sa pasilidad. (Medalyn U. Borja)
(Source: Bjmp Dipolog City Jail Male Dormitory)