Biosecurity Measures Sa TADECO Magpabilin

Biosecurity Measures Sa TADECO Magpabilin

by RPN
0 comment 60 views

DAVAO CITY-      Dili nato hilabtan ang mga biosecurity facilities, sama sa wheel/tire baths ug foot baths, sa Tagum Agricultural Development Company kun TADECO, nga nahimutang didto sa Jct. Highway-Tanglaw, Jct. Highway-Balagunan ug Jct. Highway-Bugtong Lubi-Balagunan.

Ang atong katuyuan mao lamang ang pagtangtang sa steel gates, swing beams, ug barbed wire fence, aron libre nga makasulod ug gawas ang mga residente nga nagaagi sa maong mga Provincial Roads. Dili na sila dapat pangitaan pa og ID o gate pass aron lang makaagi. Kini nga lakang nato subay sa mando sa DILG, ilawom sa direktiba ni Presidente Rodrigo Roa Duterte, aron tanggalon ang mga “illegal structures and constructions” sa mga public roads.

Tataw sa imbentaryo sa atong Kapitolyo nga kining mga dalana Provincial Roads. Busa, responsibilidad nato aron segurohon nga abli kini nga mga dalan sa tanang oras, 24/7, aron hapsay nga makaagi ang atong katawhan sa ilang pagpamalengke, pagbaligya sa ilang mga produkto, paghatud sa ilang mga anak sa eskwelahan ug pagpatambal sa ilang mga pasyente. Hasul na kaayo alang kanila ang dako nga dugang sa ilang pamasahe ug gasolina sa ilang pagtuyok og layo kay sirado ang maong mga dalan.

tinuod nga importante kaayo ang mga quarantine measures aron pugngan ang sawot sa agrikultura, sama sa Fusarium wilt, nga dakong hulga karon sa industriya sa saging. Gani, plano pa nato nga dugangan ang security personnel aron segurohon nga mosunod ang katawhan sa biosecurity protocol sa TADECO. Sugdan na usab nato ang pagbutang sa mga quarantine/biosecurity facilities sa mga boundary sa atong lalawigan.

Atong tumong nga proteksyonan ang mga sagingan isip pinakadakong magtatampo sa ekonomiya sa lalawigan. Apan, dili nato dapat isakripisyo ang katungod sa katawhan nga libreng makaagi sa public roads sulod niini.

0 comment

Related Posts