Kanhi matod pang nag-atubang og kasong may kalapasan sa RA 9165 o Comprehensive Dangerous Drugs of 2002 ug RA 10591 o Illegal Possession of Firearm ang biktima sa pinakabagong shooting incident nga natala sa General Santos City.
Sa gitunol nga impormasyon sa General Santos City Police Office, giila ang biktima nga si Avelino Babia Tado Sr., alyas Tatay Billie, residente sa Purok Malakas, Barangay San Isidro.
Base sa inisyal nga imbestigasyon, sakay sa motorsiklo niini ang biktima sa bahin sa Jose Rizal Street sa Barangay Calumpang sa dihang gitaparan kini sa riding-in-tandem suspects, dayon sa pagpusil sa biktima.
Ang biktima ang nakaagom ug samad pinusilan sa ulo ug lawas niini hinungdan sa hinanaling kamatayon.
Nahitabo ang insidente takna alas-8:00 sa gabii ning Biyernes, July 16.
Nagpadayon pa ang ginahimong imbestigasyon sa mga otoridad kalabot sa insidente. (John Rey Somido)