Tagsugdan na sa siyudad an selebrasyon nan 45th National Disabilities Prevention and Rehabilitation Week, kahapon na adlaw, Hulyo 17, 2023.
Nagpahigayon an City Social Welfare and Development Office ng opening program sa City Auditorium kung diin nagpakita nan ija suporta si Vice Mayor Alfonso S. Casurra sanan Councilor Joenil Aldonza.
Kani na programa tagtambongan nan mga Persons with Disabilities (PWD) Presidents nan lain lain na barangay sanan ila mga members diri sa mainland barangays.
Kani na programa gipahigayon para sa mga PWD suyod sa Surigao City na pagahimuon sa tuyo ka adlaw kuman na semana: Lunes para sa mainland PWDs, Miyerkules para sa island barangay PWDs, sanan Biyernes para sa General Assembly Proper.
Present sab sa among programa sa unang adlaw an mga speakers gikan sa lain lain na ahensya, DTI Resource Person Senior Business Councelor Peach Myrra Y. Po, PDAO Social Worker Duke Dominic Barbac, TESDA Resource Person Maureen Luanne C. Litang, sanan Assistant CSWDO Officer Mark Caven C. Salar.
Gipangunahan ni CSWDO Officer Lenie Liray, ang selebrasyon sa NDPR Week jauy mga lain lain na events isip pagpahibayo sa kadaghanan sa mga impormasyon, katungod, sanan mga pamaagi sa pagsuporta sa ato mga igsoon na PWD.
Para sa mga dugang na programa para sa mga PWD, pwede kamo muduol sa ato Cswdo SurigaoCity Office.
(Source: Surigao City PIO Facebook page)