Agarup 15,104, 915 a pisos ti dagup amin iti ipaay a tulong ti gobierno probinsial babaen ken ni Gobernador Mathew Marcos Manotoc kadagiti mannalon, mangngalap ken agtartarakcen iti dingwen a naapektaran iti nakaro a tikag.
Segun iti gobernador, dagiti maipaay nga assistance ket babaen iti Irrigation Support Program kas tulong pay laeng ti probinsia gapu pay laeng iti mapaspasaran a tikag gubbuay ti El Nino phenomenon.
Segun kenkuana, maibilang kadagiti maibunong ket 140 units iti water pumps ken 37 rolls iti irrigation hose kadagiti 140 nga assosasion dagiti mannalon iti ili ti Bacarra, Pasuquin, Nueva Era, Vintar, Pinili, Badoc, Dingras, Currimao, San Nicolas, Laoag City, Batac City ken Solsona.
Agpateg met amin daytoy iti 8,822,500 pesos a pundo manipud iti gobierno probinsial.
Pannakaipaay pay ti fuel subsidy Vouchers a 3,000 a pisos kadagiti 766 a benepisiaryo kas irrigation support kadakuada. Dagitoy ket manipud iti ili ti Vintar, Piddig, Currimao, Burgos, Bangui ken Pagudpud nga aganay met iti 2, 298,000.00 pesos.
Pannakakumpleto iti konstruksion ti 71 unit nga Small Farm Reservoirs iti Batac City, Pinili ken San Nicolas no sadinno a maserbianm iti 104 nga hektarya a pakabusbusan met iti 352, 550.00 pesos.
Sabali pay iti pannakaipaay ti 285 units water harvesting Facility a pakabenepisyaran dagiti 1,425 farmers, livestock raisers ken gulayan sa barangays ken pagadalan iti intero a probinsia a napunduan met iti 3, 131,865.00 pesos.
Ti pannakaipasdek ti maysa a unit ti Spring Development iti barangay Espiritu, Dingras a kas paggappuan ii irigasion ken potable water a pakabenepisyaran met dagiti 100 bumarangay kangrunaan na dagiti addaan iti mula nga agpateg met iti 500,000.00 pesos.
Mainaig iti daytoy, ginutigut na manen dagiti umili a saan a bumdeng a mangidanon iti kalikagum iti gobierno probinsial tapno maipaay ken sapsap a mabenepisiran kadagiti adu a pagsayaatan. (Irene Ringor)
(Source: Provincial Government of Ilocos Norte)