Maysa nga studiante ti Mariano Marcos State University (MMSU) ti nakoronaan a Miss Ilocos Norte 2023 bayat ti maudi a round ti beauty pageant a naangay iti Ilocos Norte Centennial Arena. Ni Lovely M. Demandante, agtawen iti 20, residente iti ili ti Dingras, naparmekna dagiti dadduma pay a dwa pulo ket dwa a moderno nga Ilokana a makisalisal iti titulo babaen ti natural stunner ken imposing height a 5’9″. Ket Nagun-odna pay ti Best in Municipal Costume award.
Dagiti dadduma pay a nangabak ket ti Tourism student a ni Kate Winslet V. Villa, agtawen 19, ti ili ti Solsona, a nangala iti umuna a runner-up ken na-adjudge a Best in Swimsuit.
Maikadua, maikatlo, ken maikapat a runners-up da Mariela Biaca Q. Acob ti ili ti Bacarra, Samantha Jane Aganon ti ili ti Badoc, ken Maria Pamela Ellena S. Agurita ti ili ti Paoay. Dinakamat ni Ilocos Norte Gov. Matthew Marcos Manotoc ti kaipapanan daytoy a beauty pageant iti panangitandudoda iti nabaknang a kultura ken tawid ti probinsia. Nu malagip, daytoy ti maikadua a kangrunaan a titulo ti Miss Ilocos Norte nga indawat ti munisipyo ti Dingras. Ti umuna ket idi 2016.
Kabayatanna, agserbi ni Demandante ken dagiti padana a nangabak kas embahador ti probinsia iti youth affairs, education, tourism, ken environmental conservation, ken dadduma pay. (April Joyce Gonzales)
(Source: MMSU)