Saan laeng a dagiti agkakaimas a produkto ken partuat ni Ilokano iti itantandudu ni Gobernador Mathew Marcos Manotoc.
lyaw awis pay ti gobernador kadagiti lokal ken gangannaet a turista dagiti ipagpannakkel a napipintas a buya ditoy probinsia.
Segun kenkuana, adu manen dagiti nainayon a tourist attractions iti Ilocos Norte a napintas a pagasyaran.
Dinakamat na iti sand dunes iti Suba, Paoay, white beach idiay Saud Pagudpud, windmills idiay Bangui, Patapat viaduct , Solsona -Apayao road ken dadduma pay a maipagpannakkel a napipintas a buya ditoy Ilocos Norte.
Patien ti gobernador a dagitoy iti maysa a mangguyugoy ti rikna dagiti turista lokal man wenno gangannaet nga umay pumasyar ditoy probinsia nangruna ket umadani manen iti panawen ti paskua.
Mamati ni Gobernador Marcos Manotoc nga awan iti pagbabawyan no iraman ti Ilocos Norte iti listaan dagiti lugar a plano a pagbakasionan .
Innayon iti ama ti probinsia a silulukat ti Ilocos Norte a nabara a mangpasangbay kadagiti amin a mayat a bumisita ken mangpadas kadagiti ipagpannakkel a tourist attractions ken agkakaimas a taraon.(Cheena Arzadon)
(Source: Provincial Government of Ilocos Norte)