Batac: Panagpabakuna iti kontra Covid-19 bayat ti CAPEX, maipapaay kadagiti ubbing

0
168

Adu ti manggungundaway nga agpabakuna ti kontra COVID-19 iti panagturturong ti Capitol Express Narimat a Masakbayan kadagiti nadumaduma a lugar ditoy probinsia.

Visit RPN DZRL Batac

Segun kenni Provincial Health Officer Dr. Josephine Ruedas karaman kadagiti ididiayada ti panagpabakuna kadagiti ubbing nga agtawen ti lima agingga ti sangapulo ket maysa.

Nupay kasta, kunana a kangrunaan nga al-allukoyenda nga agpabakuna ket dagiti kakailian a saan pay a nakapabakuna ti “booster”.

Impalgakna a napigpigsa met laeng ti proteksion dagiti kakailian kontra ti COVID-19 no mabakunaanda ti para “booster.”

Inlawlawagna nga agtultuloy met ti panangallukoyda kadagiti kakailian a saan pay a nabakunaan nga agpabakunan.

Innayonna a maragsakan ta kadagiti lugar a pakaisaysayangkatan ti CAPEX ket adda dagiti maal-allukoyda nga agpabakuna rason nga adda pay laeng dagiti mabakbakunaan ti para “first dose” kadagiti lugar a pagturturongan ti CAPEX. (Irene Ringor)

(Source: Provincial Government of Ilocos Norte)

Leave a Reply