28.9 C
Manila
Friday, March 29, 2024

Batac: Nasursuruk ngem tallo gasut a tricycle drivers ti dingras nabenipisiaran iti pantawid pasada program ti PGIN

- Advertisement -

Umadanin malpas amin ti gobierno probinsial babaen ti Metro Ilocos Norte Council wenno MINC a maipaayan ti tulong dagiti driver dagiti trisikelan ti nadumaduma nga ili ken siudad ditoy probinsia.

Visit RPN DZRL Batac

Daytoy ket kalpasan nga ti pannakaipaay ti tulong kadagiti trisikelan ti ili Dingras iti babaen ti pantawid pasada program.

Segun iti gobernador, tallo gasut sangapulo ket siyam dagiti nabenipisiaran iti nadakamat nga ili.

Inbunannagna a tunggal maysa ket naipaayan ti “gas voucher” nga agbalor ti sangaribu a pisos ken “insurance card”

Inlawlawag ti gobernador a kaipapanan daytoy a no mainaig iti desgrasya dagiti trisikelan ket mabalin nga ibaklay ti gobierno probinsial ti agingga iti limapulo ribu a pisos.

Impalgakna a ti naipaay kadagiti benepisiario ket paset pay laeng iti budget para iti napalabas a tawen.

Mainaig iti daytoy, inpakaammona nga ita a tawen 2022 ket mapagbalin a tallo ribu a pisos ti “cash assistance” nga ipaay ti probinsia kadagiti kakailian a pakairamanan dagiti agipaspasada iti trisikel iti intero a probinsia.

Inpanamnamana nga agtultuloy ti pantawid pasada program ti gobierno probinsial para kadagiti kameng ti tricycle operators and drivers association wenno TODA ditoy Ilocos Norte gapu ta ibilang ti gobernador a karaman dagitoy kadagiti kangrunaan a naapektaran iti pandemia a ginubuay ti COVID-19.

Innayon ni Gob. Manotoc a kalikagumna a maipalawa pay ti nasao a programa ti gobierno probinsial tapno ad-adu pay a kakailian ti matulungan. (Irene Ringor)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -