- Advertisement -
Awan ti maaramid a ‘’work adjustment’’ dagiti empleado iti Ilocos Norte Electric Cooperative gapu iti kinabara ti panawen.
Segun kenni AGM Mr. Perry Martinez, adda met iti uneg ti opisina dagiti dadduma nga empleado ken adda met iti aircon.
Inlawlawagna a dagiti met adda iti field, saan met a mabalin a saan da nga agtrabaho nangruna dagiti lineman ti INEC.
Kunana a nusaan met a rumwar dagitoy, awan met ti mangkumpuni kadagiti trabaho da nangruna ita nga adda dagiti mapaspasamak a power interruption.
Inbatadna a naruam met dagitoy iti pudot ken paset daytoy iti trabaho da la ketdi natalged dagitoy ken adda met iti ‘’hazard pay’’ da ti panagtrabaho da iti field wennu ruar. (Leilanie Adriano)
- Advertisement -
