Agtultuloy pay laeng ti imbestigasion kadagiti maatap nga adda pannakainaig na iti mapukpukaw nga Employees Retirement Benefits Program wenno ERBP Fund ti Ilocos Norte Electric Cooperative.
Segun ken ni Atty. Nikki Pilar, general manager ti Metro Ilocos Norte Council wenno MINC, addan dagiti nasuspenso bayat nga agtultuloy iti imbestigasion.
Maipalagip nga immunan nga impasingked ni AGM Mr. Perry Martinez a tuntunen da no napanan iti pundo a nairanta para kadagiti agretiro nga empleado ti INEC gapu ta adu payen kadagiti nagretiron iti serbisio ti saan pay a nakaawat iti retirement benefit gapu ti pannakaibus iti ERBP fund.
Kunana nga uray iti National Bureau of Investigation ket agtultuloy ti imbestigasion da ken addan dagiti pinadatag da a person with interest wenno suspetsa iti mapukpukaw a pundo. (Rod Sadian)
(Source: Provincial Government of Ilocos Norte)