Agbalin a One Stop Shop iti maipatakder nga intermodal transport terminal iti asideg ti Provincial Engineering Office a lote ti gobierno probinsial.
Kuna ni Mr. Perry Martinez iti Metro Ilocos Norte Council a ti maipasdek nga intermodal ket pagpunduan amin dagiti pampasahero a lugan kas iti bus, jeep, trysikel ken dadduma pay.
Inpalgakna a naaprobaranen ti pundo a 380 milyon a pisos manipud iti Dept. of Transportation wenno  DOTr para iti pannakaipasdek ti nasao a proyekto.
Inbatad na nga adda met iti inlatang ti probinsia babaen ken ni Gob. Mathew Marcos Manotoc a 115milyon pesos ngem saan pay laeng a mausar imbes agserbi pay laeng nga standby fund wenno savings gapu ta saan da a ninamnama iti inaprobaran a pundo ti DOTr.
Ti maipasdek nga intermodal terminal ket maiyarngi iti maysa a mall apakasarakan dagiti nagduduma a  negosio a daytoy ket imaneher ti MINC iti operasion na.
Kunana a pamastrekan to pay daytoy ti probinsia manipud iti pagupa dagiti interesado nga agnegosio kas iti panganan ken dadduma pay a paglakuan.
Innayon ni Martinez nga awan to met iti masingir kadagiti transport group gapu ta tulong to metten daytoy iti probinsia iti biang ti transportasion. (Rod Sadian)
