Nabara nya inawat dagiti kamkameng ti Sangguniang Panlalawigan iti panangidaulo ni VG Cecill Araneta Marcos dagiti kameng ti Phil. Marines iti Ilocos Norte.
Daytoy ket kalpasa a nagcourtesy call dagitoy kabayatan iti regular session dagiti kameng ti junta probinsial iti SP session hall.
Segun ken ni Col. Jonathan C. Gabur, gagem iti kaadda da iti Ilocos Norte ket tapno tumulong da ti pannakapagtalined iti linak urnos ken talna ti probinsia.
Tumulong pay dagitoy iti pannakaipaay ti supurta kadagiti investors ken ahensia ti gobierno a magisaysayangkat iti humanitarian assistance ken disaster response operations no adda iti sumangbay a bayo wenno kalamidad.
Maipalagip a dagiti nasao a kameng ti Phil. Marines ket simmangpet da ditoy Ilocos Norte itay napan a bulan ti Setyembre ken siraragsak a sinarabo ni Gob. Mathew Marcos Manotoc iti Laoag International airport.
Immune metten nga impasigurado ni Gob. Marcos Manotoc iti naan anay a supurta na kadagiti pannakabagi ti linteg a napudno iti serbisio ken kanayon nga agresponde iti tawag dagiti umili ken mangipangpangruna iti linak urnos ken talna iti lokal a kumunidad.
Daytoy met ti umuna pannakaideploy da iti babaen ti Marcos administration ken umuna a gundaway a kaadda ti Marine brigade iti Ilocos Norte. (Cheena Arzadon)
(Source: Provincial Government of Ilocos Norte)