Addaan ti four point plan ti Gobierno Probinsyal para iti agrikultura babaen iti panangipakaammo ni Governor Matthew Marcos Manotoc tapno maipangato ti apit dagiti mannalon gapu ta maysa kadagiti concern ti pagilian ket iti food security.
Inbunnanag ni Gov. Manotoc, a mangipaay da iti farm machineries, bukbukel, panangbirok kadagiti teknolohiya a mangpapintas iti kalidad ti daga. Ramanen na pay daytoy ti maipapan iti production processing ken agri-business, babaen iti pannakailako da nangruna iti marketing ken pannakaibiyahe dagitoy iti merkado.
Kabayatanna, nagyaman ni Gov. Manotoc iti Department of Agriculture gapu ti pannakaipatakder ti kaunaan a Tomato Cold Storage iti ili ti Sarrat, Trading Center iti Ciudad ti Batac, ken ti Multi-Commodity Processing Center a maibilang a major projects ita a tawen. (Cita Macalipis)
(Source: Provincial Government of Ilocos Norte)