Impasingked ni Gobernador Mathew Marcos Manotoc nga agtultuloy ti pannakisarsarita na iti management ti locos Norte Electric Cooperative iti pannakaipababa ti singir ti koryente kadagiti
member consumers.
Kunana a sipud idi bulan ti Hunyo ket saan pay a nagsarday a mangikagkagumaan a masungbatan iti anil il dagiti umili gapu ti kinangina iti pagbayad ti koryente.
Inadmitir na nga agingga kadagitoy ket arigna awan pay ti namalbaliwan iti singir ti INEC kadagiti member consumers rason nga agtultuloy dagiti adu a reklamo a maaw awat na manipud kadagiti umili.
Immunan nga inawagan ti gobernador iti imatang ti management iti INEC ken agtultuloy ti pannakisarsaritana kadagitoy kagiddan ti panangibatadna a no adda ti rumbeng a mabalbaliwan ket nasken a mabalbaliwan tapno laeng masulbar ti problema.
Inbatadna nga immannong met ti SMC global ti Masinloc power plant a nangipababa iti ang angkaten a power supply ti INEC iti 20 a porciento a megawatts manipud iti nasurok a 50 a porciento a megawatts iti koryente tapno sumapul ti INEC iti sabali a pagangkatan iti nalaklaka
a presyo.
Kagiddan daytoy, nagyamanan met ti gobernador iti biang ti Energy Regulatory Commission
wenno ERC a naiget a tumultulong ken makikokooperar iti kalikagum a maipababa iti pagbayad ti koryente iti INEC.
Maipalagip a ti irasrason iti INEC ket gapu ti kinangina iti generation charges kadagiti independent power producers” nupay ti Ilocos Norte iti pakasarakan kadagiti energy firm gapu ta saan da meta maala a direktiba ti supply manipud kadagitoy.
Author: Rod Sadian
Source: PGIN