Indaulwan ni Ilocos Norte Governor Matthew Marcos Manotoc iti Capitol Express iti ili a Vintar no sadinno a naruay manen a serbisio ken tulong ti naipaay kadagiti residente iti nasao nga ili.
Sumagmamano kadagiti ginundawayan dagiti umili ket libre a kunsultasion ken agas, naibunong nga agricultural inputs kadagiti mannalon ken livestock supplements kadagiti agtartaraken iti baboy.
Adu met ti naibunong para kadagiti senior citizens kas iti wheelchairs, canes ken reading glasses katulungan da nga agbasa.
Kabayatan na, nagibunong pay ti Provincial Veterinary Office babaen ken ni Dr. Loida Valenzuela iti recovery assistance kadagiti agtartaraken iti dingwen nangruna kadagiti naapektaran ti taraken na iti African swine fever wenno ASF.
Inulit manen nga impasingked ti gobernador kadagiti umili nga agtultuloy ti nasao a programa ken dumanon kadagiti nasusulinek nga ili tapno idanonda dagiti serbisio ken pagsayaatan dagiti kaprobinsiaan. Kabayatan na, dakkel met a yaman ken ragsak dagiti umili kangrunaan na dagiti opisiales ti Vintar gapu kadagiti adu a sagut nga indanon iti grupo ni Gobernador Marcos Manotoc iti ili a Vintar.
Impanamnama da met ti agtultuloy a supurta da kadagiti programa ken aktibidad ti probinsia iti liderato ti gobernador para iti naan anay a panagprogreso ti sapasap nga Ilocos Norte. (Cita Macalipis)
(Source: Provincial Government of Ilocos Norte)