Pormalen a naluktan ken nabendisionan ti baro a Fire Sub-Station ti Bureau of Fire Protection wenno BFP iti Barangay San Mateo, Laoag City. Ti aktibidad ti inatendaran ken inimatangan dagiti agpapaay ti BFP, City Officials, First Congressional District, Barangay Officials iti Eastern Barangays ti siudad ken bisbisita. Dakkel a banag daytoy gapu ta addan ti insigida nga agresponde no adda uram ken emerhensia nga asideg iti Barangay San Mateo. Kuna ni Mayor James Bryan Alcid, a napanunutan na ti kaadda dagiti emergency sub-station iti dumaya a paset ti siudad tapno nadaras ti panagresponde ken tulong dagiti kailian. No aggapu pay laeng iti sentro ti responde nabayag la unayen nangnangruna no salbaren ket biag ken sanjkua. Agasideg da pay ti PNP sub-station ken sumaruno a kalikagum ni Mayor Alcid ti sub-station ti Department of Public Safety (DPS) tapno sangsangakamaysa ti panagresponde.
By: Randy Menor