Plano ni Mayor Mike Hernado iti San Nicolas, Ilocos Norte nga iyakar ti munisipio ti ili.
Kuna ti mayor nga agsapsapul dan iti pondo a paggatang iti lote iti ruar ti sentro tapno agserbi a kas Government Center.
Inlawlawag ti mayor a tapno saan unay nga agtraffic iti sentro ket rumbeng a maiyakar dagiti dadduma a pagopisinaan ti gobierno iti sentro.
Nakasagana met ni Congressman Angelo Marcos Barba a tumulong iti pannakaiyakar ti municipal hall ti nasao nga ili. (Rod Sadian)
(Source: LGU San Nicolas, Ilocos Norte)