Maysa iti Baggak Multipurpose Cooperative iti ili ti Sarrat iti immawat iti gatad 20 a milyon a pisos manipud iti Department of Agriculture.
Daytoy a ganuat iti DA ket mangipaay iti tulong kadagiti kwalipikado a kooperatiba ken assosasyon a naapektaran ti African Swine Fever.
Inbatad ni Teresita Castro, chairman idi nasao nga kooperatiba, a napalaloan dagiti kailian na nga agtartaraken ti baboy nangruna kadagiti solo hog raisers iti kallabes a panagraira ti ASF.
Mainaig iti daytoy, inlawlawag ni Mrs. Castro a ti awaten kuma ti kooperatiba ket 10 a milyon a pisos laeng ngem babaen ti pannaka-accredit da iti Civil Society Organization ket nagbalin da a big-brother.
Kalpasanna, nagyaman ni Chairman Castro kenni Presidente Ferdinand R. Marcos Jr. gapu iti suporta na kadagiti kooperatiba para ti ibabangon ti Swine industry.
Author : April Joyce Gonzales
Source : Department of Agriculture