Dandani 6.3 milyon a pisos ti naibunong ni Gobernador Matthew Marcos Manotoc kadagiti 1,444 a mannalon iti ili a Bacarra.
Dagitoy ket naapektaran iti typhoon Egay itay napan a tawen a nagtrabaho iti cash for work program.
Agpapada met nga immawat dagitoy iti 4,350 pesos kasukat ti panagtrabaho da iti sumagmamanu nga aldaw.
Kuna ti gobernador a bassit laeng daytoy nga ayuda kadaiti mannalon ngem nasaysayaat ngem iti awan a pulos.
Nagyaman met ti gobernador daigtoy iti inpaay da nga serbisio a nagtrabaho iti bukod da a barangay kas iti panagdalus iti kalsada, kanal ken dadduma pay a trinabahoda iti uneg ti barangay.
Kadua ti gobernador iti naisayangkat a pay-out kadagiti mannalon a nagtrabaho iti cash for work dagiti taga Dept. of Social Welfare and Development Region One.
Kagiddan daytoy, inpeksa met ti gobernador iti panagyamanna iti biang ti DSWD kangrunaanna ken ni Secretary Rex Gatchalian a tumultulong ken mangipapaay iti pundo para iti cash for work program.
Dinakamat pay ti gobernador da Pres. Ferdinand Bongbong Marcos, Senadora Imee Marcos ken Congressman Sandro Marcos a mangmangted iti ayuda ditoy probinsia nangruna no adda iti sumangbay a kalamidad. (Rod Sadian)
(Source: Provincial Government of Ilocos Norte)