Nalpasen ti Department of Public Works and Highways (DPWH) ti 1.3 kilometer farm-to-market road project a mangipapaay itan kadagiti mannalon ken umili iti panagserrek kadagiti marketplaces ken business centers sadiay ciudad ti Laoag, Ilocos Norte.
Iti report kenni DPWH Secretary Manuel Bonoan, napaliiw ni DPWH Region 1 Director Ronnel M. Tan a naragpat ti P20 million a proyekto ti target a petsa ti pannakaileppasna, a dinakamatna ti DPWH Ilocos Norte First District Engineering Office gapu iti nasigo a trabahona a panagbangon.
Napundoan babaen ti 2022 General Appropriations Act (GAA) iti gatad a P20-milion, nairaman ti pannakaaramid ti dua a lane a sementado a kalsada nga addaan iti bato a masoneria ken proteksion iti bakras.
Kinuna ni DPWH Ilocos Norte First District Engineer Glenn C. Miguel a naikabil met dagiti solar LED lights iti igid ti proyekto ti kalsada tapno mapasayaat ti pannakakita ti kalsada ken maitandudo ti kinatalged dagiti agus-usar iti kalsada iti rabii.
Kinuna ni Tan iTi pannakaileppas daytoy baro a kalsada ket maysa pay a testamento ti panagkumit ti DPWH a mangsuporta iti lokal nga ekonomia babaen ti panangipaay kadagiti mannalon iti nasaysayaat a pagpilian a mangibiahe kadagiti produktoda iti agrikultura iti lokal a merkado. (April Joyce Gonzales)
(Source: DPWH Ilocos Norte)