DAVAO DEL SUR – Patay ang usa ka driver human ang nahitabong bangga sa National highway sa sitio sarimoro, Brgy. coronon, Sta. Cruz
Subay sa report sa Sta cruz municipal police station, nalambigit sa maong disgrasya ang usa ka prime mover nga gimaneho ni shelo merto, pick-up nga gimaneho ni lee van clint flores, usa ka motorsiklo nga gimaneho sa sekyu nga si alexander general ug toyota avanza nga gimaneho ni romeo dagondon taclob.
Base sa imbestigasyon, ang prime mover ug avanza paingun sa southbound samtang ang pick-up ug ang motor paingun northbound. sa dihang kalit nga mi-overtake ang pick-up ug nawad-an og control ang driver nga si flores didto paingun sa lane sa prime mover hinungdan sa pagkabangga, samtang naigo sab niini ang avanza ug nabanggaan sab sa pick-up ang motor.
Dead on the spot si flores human kining nakahiagom og samad sa ulo samtang ang uban biktima madala pa sa Provincial hospital sa Digos city.
By: Camille Santos Naraga – Source: PIO PRO XI