BUKIDNON – Naigo sa saag nga bala ang usa ka 13-anyos nga batang lalaki sa Dologon, Maramag atol sa bisperas sa pasko, Disyembre 24 samtang gatan-aw og Christmas party sa ilang silingan.
Subay sa report kalit nalang nga nakabati og sakit sa walang kamot ang biktima ug nakurat kini sa dihang nagkadugo na ang iyang kamot.
Dugang niini, daling gidala sa balay tambalanan ang biktima ug nakita sa X-ray adunay nagtaruy nga bala sa kamot niini.
Sa pahayag ni PLt Col Julius Macariola IV, Officer-in-charge sa Maramag Police nagtuo ang pamilya sa biktima nga nasamad lang kini apan diha na nahibal-an paggawas sa X-ray nga gunshot wound ang nahiaguman sa biktima.
Hinuon na operahan na ang bata ug nakuha nasab ang bala sa kamot niini.
Samtang padayon ang imbestigasyon sa kapulisan arun masayran ang suspek og mapasakaan og kaso.
By: Camille Santos Naraga – Source: Bukidnon police Provincial office