Gidawat ni Dipolog City Mayor Roberto Y. Uy ang bag-ong Team Leader sa Philippine National Police Drug Enforcement Group–Special Operations Unit 9 nga si PLT Aldazer J. Sahisa atol sa courtesy visit sa City Mayor’s Office niadtong Abril 29.
Gipasiugda sa maong pagbisita ang padayon nga koordinasyon tali sa lokal nga panggamhanan ug kapulisan sa pagpalig-on sa kampanya batok sa ilegal nga droga sa probinsya.
Gihisgutan usab sa duha ka panig ang mga lakang aron mapakusog ang operasyon ug masiguro ang kalinaw ug kahusay sa komunidad.
Sumala sa lokal nga panggamhanan, ang maong panagtambayayong importante aron mapadayon ang lig-on nga kampanya kontra droga ug maprotektahan ang katawhan sa Zamboanga del Norte.(JENIFFER JR. DELICA)
Source: Dipolog City Government