Malampusong gipahigayon ang Blessing and Turn-over sa bag-ong gibatunan nga mga ekipo sa kagamhanang lokal sa dakbayan sa Dapitan karung buntag.
Sumala pa ni Joseph Alvi Agolong, OIC-CGSO nga ang mga bag-ong ekipo mao ang Garbage Compactor nga magamit alang sa pagpangolekta sa mga basura sa Task Force 234 ug Concrete Mixer sa City Engineering Office nga maoy gamiton alang sa mga nakahan-ay nga mga Program of Works sa mga kabarangayan.
Sanglit tinguha sa administrasyon ni Mayor Rosalina G. Jalosjos ang paspas nga paghatud sa mga serbisyo sa katawhang Dapitanon maoy hinungdan nga nipalit ang syudad sa mga kahimanan.
Sa maong kalambuan, ang gibatunan nga mga ekipo gilauman nga magamit sa panginahanglanon sa mahinungdanon nga katuyoan nga tumong sa panultihon sa inahan sa dakbayan mao ang “MISYON KO ANG PAGHATUD UG SERBISYO”.
(City Information Division-chai, photo courtesy of City Information Division – CID-Dapitan Facebook page)