Zamboanga del Sur – Mibuhos ang pahisubo ug simpatiya sa tibuok nasod human sa nahitabong insidente kagahapon, July 4 2021 diin nag crash ang C130 Hercules #5125 sa Philippine Air force (PAF) didto sa probinsya sa Jolo.
Sakay sa maong eroplano ang mga bag ong gradwar nga mga sundalo nga nakatakdang e deploy sa naasoyng probinsya sa ngalan sa serbisyo ug pagpangga sa nasod. Apan wah damha ang makasubong panghitabo human kini ang daw nawad an ug kontrol sa paglanding ug mi crash hinoon kini sa unahang bahin sa runway dayong pagbusikad.
Daghan ang natalang patay sa insidente ug padayon ang rescue operation sa lugar hitaboan, gani pipila sa mga biktima, giila na sa Philippine Army rescue team ug lima (5) sa mga sundalong namatay taga Zamboanga del Sur (ZDS).
Giila ang mga Zambosurian fallen heroes nga sila PFC Christopher Rollon taga Marangan, Dumingag, ZDS; LT. Sheena Alexandria Tato, taga Dao, Pagadian City; Felix Provido Jr. taga Upper Pulacan, ZDS; CPL Gemmer Mondido, taga Calolot, Tambulig, ZDS; ug si PFC Marchi Bonzales, taga Lumot, Tigbao, ZDS.
Pinaagi sa Facebook post, nagpahayag ug pahasubo ug simpatiya si 1st district, Congresswoman Divina Grace Yu diin siya nagkanayon “We sympathize with the family and loved-ones of these five brave Zambosurians who gave their lives for the Filipino people…. bisan wala ta kaila nila masakitan man gani ta 💔💔💔, unsa nalang kaha ang gibati sa mga pamilya ani… ðŸ˜ðŸ˜ðŸ˜ #ZamboSurian” lakip na usab si Mayor Sammy Co ning dakbayan sa Pagadian ang nakighiusa sa panalangin ug pahasubo ngadto sa pamilya sa mitaliwan nga mga bayani.
Ning kasamtngan, padayon gihapon ang imbestigasyon ug search and rescue sa mga sakay sa eroplano ingon man ang pagpanambal sa mga samaran. (Diocsil Sanico, RPN DXKP Pagadian OIC)
(Source: PAF, photo courtesy of Divina Grace Yu Facebook page)