Davao City – Opisyal nang nabuksan ang bag-ong Hall of Justice Building sa Davao Occidental human kini gi-inagurahan niadtong Marso 5, 2025 sa Barangay Lacaron, Malita. Ang maong pasilidad gitukod aron mapalig-on ang paghatod sa hustisya sa rehiyon.
Gikan sa pondo ni Dumper Partylist Representative Claudine Diana “Dendee” Bautista-Lim, ang proyekto nagkantidad og P15 milyon, diin P10 milyon ang gigahin alang sa main building ug P5 milyon para sa holding area.
Sa seremonya, mitambong si Cong. Bautista-Lim, kauban nila Hon. Carmelita Davin (Presiding Judge, RTC Branch 19), Hon. Mylene Guhiling (Presiding Judge, RTC Branch 20),
Hon. Maria Fe Orig-Maloloy-on (Executive Judge, RTC Digos, Davao del Sur), ug Engr. Rodrigo C. Larete (District Engineer, DPWH Davao Occidental).
Sumala ni Cong. Bautista-Lim, Ang pag-abli sa Hall of Justice usa ka dakong lakang sa atong paningkamot nga mapalig-on ang hustisya ug ang balaod
Dugang niini, nagpamatuod kini sa padayon nga baruganan alang sa pagkaangay, ug pagkamatarong sa legal nga sistema.
Gilauman nga ang bagong Hall of Justice makatabang sa mas episyenteng pagproseso sa kaso ug mas paspas nga pagserbisyo sa katawhan sa Davao Occidental. (Camille Santos Naraga)
(Source: Contributed)