Cagayan de Oro – SUBHAN karong adlaw’ng Huwebes, Mayo 9 ang bag-ong tukoron nga 2-storey, 4-classroom building sa Tagpangi Elementary School nga pangulohan mismo ni Mayor Rolando “Klarex” Uy.
Ang maong tunghaan kabahin sa ‘Tatak Klarex’ classrooms nga gisaad ni Mayor Klarex alang sa kasayon ug kahamugaway sa mga estudyante ug magtutudlo diin aduna na kini multimedia package.
Laumang mosaksi usab ang kadagkoan sa Department of Education-Division of Cagayan de Oro sa pagpangulo ni Schools Division Superintendent Roy Angelo Gazo, mga sakop sa Local School Board, mga magtutudlo, barangay officials ug mga kadagkoan sa city hall.
Kahinumdoman nga bag-o lang usab gihimo ang managlahing groundbreaking sa school building projects sa Gusa Regional Science High School, Pigsag-an National High School, ug Malasag Elementary School.
News and photo courtesy of CIO