Dos personas, incluido un mujer, el ya aresta y P176,800 valor de droga ilegal el ya confisca el mga autoridad na un operacion contra droga na provincia del Lanao del Sur, asegun con el policia del Lunes.
Si Coronel Robert Daculan, el director del policia na Lanao del Sur, ya nombra con el mga arestao suspechao como canda alias Madam Taba y alias Ali.
Asegun con Daculan, con el dos suspechao ya aresta na un operacion de compra busto mga alas 5:40 del Sabado targe na Barangay Lumbac Kialdan, Marantao, Lanao del Sur.
Asegun con Daculan, ya confisca na posesion de canda Madam Taba y Ali 26 gramos de suspechao shabu enpaquetao na tres termosellada transparente sobrecitos plastico que tiene el valor de P176,800, un pesador, P500 markao dinero, un transparente contenedor plastico, y dos tarjetas de identificacion.
Si Daculan ya habla, con el dos arestao suspechao ya pone bajo’l custodia del policia na municipio de Marantao en preparacion para el plantada del asunto contra canila por violacion del Ley Integral de Drogas Peligrosas. (B. Garcia)