Cebu City – Nahimong usa sa siyam ka mga nominado ang Cebuana Sandiganbayan Associate Justice Geraldine Faith Econg alang sa pagka Associate Justice sa Supreme Court.
Gipadayag ni Econg ang iyang kalipay sa maong nomination ug nanghinaut siya nga mabuligan sa kahitas-an.
Si Supreme Court Chief Justice Alexander Gesmundo, kinsa maoy ex-officio chairperson sa Judicial and Bar Council maoy miduso sa mga pangalan sa nominado niadtong Hunyo 18, 2021 ngadto kang Presidente Rodrigo Duterte.
Migradwar si Econg nga cum laude gikan sa University of San Carlos ug nahimo siyang presiding judge sa Minglanilla, Cebu gikan sa tuig 2002 hangtud sa tuig 2004.
Nagsilbi sab siya nga presiding judge sa Regional Trial Court sa Branch 9 sa Syudad sa Sugbo pagka 2004 hangtud na sa 2010.
Misunod ang pagka himo niyang Judicial Reform Program Administrator sa Program Management Office sa Korte Suprema sa tuig 2010 hangtud sa 2015.
Niadtong 2015 to 2016, nagsilbi siyang chief sa Office of the Philippine Judicial Academy sa wala pa siya mahimong Associate Justice sa Sandiganbayan First Division sa tuig 2016 hangtud karon.
Sa kasamtangan ang Supreme Court dunay usa ka na bakante nga pwesto sa pagka Associate Justice.
Basi sa ilang website, ang SC gilangkoban sa usa ka Chief Justice ug 14 ka mga Associate Justice.
Nabakanti kini dihang si Associate Justice Gesmundo na promote sa pagka Chief Justice human sa mandatory retirement ni Chief Justice Diosdado Madarang Peralta, sa pag abot niini ug 70 anyos, niadtong Marso 27, 2021.
Karong buwana, mo retiro sab sa pwesto si SC Associate Justice Edgardo delos Santos, ang kanhi Associate Justice sa Court of Appeals sa Syudad sa Sugbo. Â (Jhon Tadlip/JTY)
(News & photos courtesy of Supreme Court | Associate Justice Geraldine Faith Econg)