Cagayan de Oro – Alayon sa programa sa agrikultura sa syudad ubos sa administrasyon ni Mayor Rolando `Klarex’ Uy, nag-instalar og artificial coral reef gawas sa marine protected area sa Barangay Puerto ang Agricultural Productivity Operations Office (APOO), Hulyo 21, 2024.
Gipasabot sa mga kadagkuan sa APOO nga ang artificial coral reef usa sa mga paagi sa pagpausbaw sa lokal nga populasyon sa isda ug sa samang higayon mapanalipdan ang mga baybayon gikan sa ‘erosion’.
Labaw usab nga makabenipisyo niini ang mga mangingisda ingon man ang mga divers sa higayon nga modaghan na ang populasyon sa isda.
Lima ka artificial coral reef ang gihimo sa APOO gamit ang ilang pundo apan inisyal lamang nga duha ka coral reef ang na-instalar kay wala pa nahuman ang tulo.
Nunot niini, dako ang pasalamat sa mga opisyal sa fisherfolk sa Barangay Puerto kang Mayor Klarex sa walay puas nga suporta nga gihatag ngadto kanila.
News and photo courtesy of CIO CDO