Sugdan na karong semana ang joint committee hearing sa General Santos City-Sangguniang Panlungsod, kalabot sa proposed ordinance nga magbawal sa “wolf whistling, catcalling” ug uban pang klase sa public sexual harassment sa siyudad.
Una nang gipasa ngadtu sa committees on Laws, Rules and Review ug The Elderly, Differently-Abled Persons and Social Services ang proposed SP Ordinance NO. 1919-0312.
Ilawom sa maong sugyot-ordinansiya, hugtanong ibawal sa GenSan ang pagsit-sit, pag-taghoy ug uban pang actuations, nga makonsiderang “sexual harassment” partikular ngadtu sa mga kababainhan.
Higayong maaprubahan, adunay usab gitakdang pina og silot sa kinsa mang makalapas niini.
Kahibaluan nga aduna nay susamang balaud ang giaprubahan sa Pangulong Rodrigo Duterte, diin nagpataw og silot sa tanang matang sa “wolf whistling, catcalling, misogynistic and homophobic slurs” ug uban pang pamaagi sa sexual harassment. (John Rey Somido)