General Santos City – Anaa nalang sa kapin 1, 300 ang mga piniriso sa General Santos City Jail. Kini ang gibutyag ni Jail Superintendent Riuben Olivo, Jail Warden sa maong pasilidad.
Sumala niya nga ang maong ihap ang nahibilin gikan sa kapin 2, 500 nga mga piniriso kung asa ang kapin 1, 200 ang ni-avail sa plea bargaining.
Pagpaklaro niya nga ang maong ihap ang normal average sa mga piniriso sa General Santos City Jail niadtong dili pa ingon ka kusog ang war on drugs.
Dugang pa niini nga bisan ug anaa nalang sa 1,300 kapin ang mga piniriso sa ilahang kustudiya, anaa pa gihapon sa 400% ang congestion rate niini.
Apan, aduna na matud pa duha ka bag-ong selda ang ilahang pasilidad nga maoy balhinan sa ubang mga piniriso, apan gi-angkon niya nga higayon nga magamit na ang maong mga selda, anaa pa gihapoon sa 200% ang congestion rate sa city jail.
sa karon, ilaha nalang ginahulat ang security assessment nga gihimo sa BJMP aron ma-okupa na ang maong mga selda.
Kalabot niini, gibutyag ni Superintendent Olivo nga 75% sa mga piniriso sa Gensan Jail ang may kasong kalabutan sa illegal nga droga.
Apan giklaro niini nga ang maong pasilidad usab ang ginagamit para sa mga high risk nga mga piniriso gumikan sa tibuok Rehiyon 12, ang Gensan City Jail lang ang gikonsiderang pinaka-luwas nga prisuhan.
(Source: GSC BJMP)