Gisugdan na ang pag-renovate sa Amphitheatre sulod sa tulo ka ektarya nga Magsaysay Park nga nahimutang tupad sa Sta. Ana Wharf dinhi sa siyudad sa dabaw. Nagkantidad ang naasoy nga proyekto ug mukabat sa 5 million pesos nga gikan sa National Commission for the Culture and Arts (NCCA).
Gibutyag ni NCCA Executive Director Al Ryan Alejandre nga target nga mahuman ang nasangpit nga proyekto sa umaabot nga bulan sa Agosto ning tuiga ayha ang pagpahigayon sa Kadayawan Festival. Aduna usa’y plano nga itukod nga Arts and Culture Hub sa Mintal ning siyudad nga dumalahon sa Department of Tourism (DOT).
Paga-ilhon ang nasangpit nga lugar isip “Hub for Culture and Peace in Mindanao”. Mahimo kining gamiton nga venue sa mga nagkalain-laing aktibidad, presentasyon ug programa sa mga Indigenous Peoples (IPs) ning dakbayan ug ubang bahin isla sa Mindanao.
(Source: Edge Davao | Davao City Information Office, photo courtesy of Al Ryan Alejandre Facebook page)