Kasado na ang mga aktibidad para sa Pista ng Nazareno sa Enero 9.
Ayon kay Father Danichi Hui, isa sa mga parochial vicar ng Minor Basilica of the Black Nazarene, walang masyadong pagbabago sa aktibidad ng simbahan at mas tinututukan sa paghahanda ang tungkol sa seguridad at kaayusan ng traslacion.
Ipinagbigay alam ni Father Hui na January 8 pa lamang bago ang fiesta mass sa Luneta sa hatinggabi ng January 9, ay magkakaruon na ng pahalik.
Naglagay rin aniya sila ng labing apat na prayer stations sa ruta ng traslacion at bawat istasyon ay magkakaruon ng replica ng Itim na Nazareno.