Mukabat sa 72 ka libo ka doses sa Sinovac vaccines nahiabot dinhi sa dakbayan sa Davao. Sakay ang nasangpit nga mga bakuna sa Cebu Pacific commercial flight alas 8:55 kagahapon sa buntag, Hulyo 7, 2021. Ang bakuna gamiton sa first dose ug second dose alang ngadto sa A1, A2, A3 ug A4 eligible priority groups sa Davao Region.
Kini bahin-bahinon sa nagkadaiyang bahin usab sa Davao Region. Gidala usab kini dayon ngadto sa Department of Health (DOH) Region 11 storage facility. Sa kasamtangan ang Davao Region nakahatag na og 834,990 total doses sa Covid-19 jabs.
(News & photo courtesy of DOH XI)