Laing 197 ka mga indibiduwal ang makabenipisyo na usab sa “Tulong Panghanapbuhay sa Ating Disadvantaged/Displaced Workers” (TUPAD) nagsugod sa pagtrabaho kagahapon, Nobyembre 15 ning tuiga.
Ang nasangpit nga ihap sa mga benipisyaryo nagagikan sa pito (7) ka mga barangay dinhi sa Dipolog nga mao ang Estaka, Gulayon, Sicayab, Turno, Biasong, Central ug Cogon.
Atol sa gipahigayon nga orientation kagahapon didto sa 2nd Floor sa Dipolog City Museum, gipasabot sa mga TUPAD Coordinators sa Department of Labor and Employment (DOLE) nga kining maong programa sa gobyerno maoy usa ka temporaryong panginabuhian nga gimugna aron makunhuran ang ekonomikanhong problema gumikan sa nasinating pandemya.
Nasayran nga ang pwedeng makapahimulos ning maong programa mao kadtong mga “under-employed” kon mga trabahanteng dunay trabaho apan dili igo ang kita, mga “self-employed” sama sa mag-uuma, mananagat, mga dunay sari-sari stores, mga “displaced workers” o mga empleyadong nawad-an og trabaho tungod sa pandemya, mga senior citizens kinsang edad dili molapas sa 75 anyos, mga PWD ug mga Indigenous Peoples kon IPs.
Ang 197 ka mga TUPAD workers magdawat sa suholan nga Php351.00 ang adlaw sulod sa 13 ka adlaw diin kini ilang paga-trabaho-an og upat ka oras matag adlaw dinha sa ilang tagsa-tagsa ka mga barangay.
(Source: Dipolog City Government Facebook page)