Moabot sa 600 ka mga senior citizens gikan sa hinterland barangays sa Cagayan de Oro ang nabakunahan sa 1st dose sa AstraZeneca vaccines sa usa ka Mall kagahapong adlawa, Mayo 24 ning tuiga.
Sigun sa City Health Insurance Office-Data Management Task Group naglangkob ang maong mga barangay sa Tagpangi, Pagalungan, Lumbia, Dansolihon, Taglimao, Tuburan, Mambuaya, Bayanga, Tignapoloan, Pigsag-an, Baikingon, Taguanao ug Indahag.
Una nang gibutyag ni Dr. Lorraine J. Nery, acting city health officer, nga alayon kini sa katuyoan sa CDO COVID-19 Operation Center nga maserbisyuhan ang mga senior citizens nga nahimutang sa lugar nga wala o lisod ang access sa phone signals ug internet.
Kini nahimong posible pinaagi sa hugot nga suporta ug koordinasyon ni Congressman Klarex Uy, Liga ng mga Barangay pinangulohan ni ABC president Councilor Alam Lim ug ABC vice president Kapitan Marlo Tabac, mga kapitanes, Office for Community Affairs ug Office for Senior Citizens Affairs.
(City Information Office)
