Gipang-aresto sa mga tinugyanan sa balaod ang unom (6) ka mga indibidwal nga aktong nasakpan sa mga opisyales sa Brgy. Catangnan, General Luna, Surigao del Norte nga nag surfing didto sa sea area sa Cloud 9 niadtong Merkules, Mayo 6 sa may alas 5:50 sa kahapunon.
Naila ang mga gipang-aresto nga mao sila ni;
1) JULIAN WONDORF, 26 anyos, German national, ulitawo, Self-employee, kasamtangang nagpuyo sa Surfing Carabao;
2) RAY DELA CRUZ, 26 anyos, Canadian/Filipino, dalaga, kasamtangang nagpuyo sa Jacking Horse hostel, sa maong barangay;
3) ALMERA CESNEROS, 29 anyos, dalaga, estudyante, lumulupyo sa Purok 5, Poblacion, General Luna;
4) SHELA COPINA ESCARET, 27 anyos, dalaga, lumulupyo sa Brgy. Anajawan, General Luna;
5) ABEGAIL CAÑASARES SALGARINO, 29 anyos, minyo, lumulupyo sa Brgy. Catangnan, General Luna; ug
6) RAFAEL RAZA NOGALO, 23 anyos, ulitawo, Surfing Instructor, lumulupyo sa Brgy. Libertad, General Luna, SDN.
Sumala ni Punong Barangay Lito Saavedra sa kapulisan, nga ilang gipang-aresto ang maong mga violators gumikan sa gipatuman nga General Community Quarantine (GCQ) sa tibuok probinsya.
Ang mga gipang-aresto ang gidala sa General Luna Municipal Police Station. (Jun Prex Salubre|Ronda 6|RPN DXKS)
Top of Form