Gi-final checking na karong adlawa, Mayo 8, 2025, ang mga dokumento sa unom ka barangay nga nangandam nga madeklarar nga drug-cleared, didto sa PDEA Conference Room. Kini ubos sa kooperasyon sa PDEA, PNP, COSAP, ug DILG.
Apil sa gi-validate ang mga barangay nga T. Padilla, Bulacao, Poblacion Pardo, Bonbon, Hipodromo, ug Pahina San Nicolas. Ang ilang mga folder gi-review aron masiguro nga kumpleto ug uyon sa pamalaod sa Regional Oversight Committee on Barangay Drug Clearing Program (ROCBDCP).
Ang kalihokan mao na ang katapusang lakang sa dili pa isumite ang mga folder para sa pormal nga pag-apruba ug deklarasyon.
“This final checking is not just a formality—it’s a testament to the commitment of these barangays to sustain drug-cleared communities,” sumala ni Jonah John Rodriguez, Executive Director sa COSAP Cebu City.
Lakip sa mga criteria nga ilang natuman mao ang padayon nga kampanya batok ilegal nga drogas, rehabilitasyon sa mga drug surrenderers, ug aktibong Barangay Anti-Drug Abuse Councils (BADAC).
Kung maaprubahan, mahatagan na sila og drug-cleared status, nga usa ka dako nga lakang padulong sa mas luwas ug lig-on nga komunidad.
Source: CCPO
I via Renante Socia Lada