Anaa na karon sa kustudiya sa Bureau of Customs – Port of Cagayan de Oro ang 50 ka kahon o 7.8 milyones pesos nga smuggled nga sigarilyo human kini gi-turn over sa CDO Police Office Station 10 miaging semana.
Matod ni PCapt. John Real Dela Cerna, Hepe sa Police Station 10 sa Cugman, CDO, usa ka delivery truck driver ang mi-surrender sa mga sigarilyo dihang nasuta nga ang mga kahon nga ilang i-deliver gikan sa Zamboanga paingon sa Dasmarinas, Cavite adunay sulod nga mga sigarilyo sukwahi sa deklarasyon sa nag-hire niini. nga kini adunay sulod nga mga piyesa sa motor ug mga accessories.
Sakay unta sila sa usa ka RoRo (Roll on/Roll off) vessel sa Surigao apan nakahukom nga i-surrender ang mga smuggled goods ngadto sa mga awtoridad.
Ang mga undocumented nga sigarilyo nga mokabat sa 4,802 reams o 48,020 ka pakete gibansagan nga “San Diego Menthol and Lights” ug adunay gibanabana nga kantidad nga 7.9 milyones ka pesos.
(News & photo courtesy by Cheleste Simene)