Digos City, Davao del Sur – Sikop ang 4 ka indibidwal human gikasa sa Digos PNP ang drug buy bust operation sa Purok Rolex, Luna Ext. Barangay San Miguel.
Giila sa kapulisan ang mga dinakpan nga silas Lester Jay Jabonero Daganato, 28 anyos, taga Chapter 5, Barangay Aplaya, Digos, Niel Japhet Paloma Sode, 31 anyos taga Luna Ext. Barangay San Miguel, Digos, Celso Mesa, 44 anyos taga Roxas Ext. Barangay Zone 2, Digos, Julie Ann Daradar Cubillar, 40 anyos, residente sa Purok Acacia, Barangay Cogon, Digos.
Subay sa report, nadiskubrehan sa kapulisan nga drug den ang ilang nasudlan ug nakasignit pa kini 10 sachets nga adunay sulod sa gituohang shabu nga mobalor tanan sa 922,650 pesos.
Dugang niini, na apil sa mga nasignit sa kapulisan ang shabu paraphernalia.
Sa karon, himas rehas mga dinakpan sa Digos PNP. (Camille Santos Naraga)
(Source: Digos City PNP)