Gipahigayon ang “Grand Opening” sa 24th p’gsalabuk festival Abril 21, sa Dipolog City Boulevard.
Gisugdan ang maong kalihukan pinaagi sa tagbo, sugba tuloy salo-salo sugod alas 5 sa buntag, diin gitambungan sa mga personahe sa kapulisan inubanan sa mga coast guard ug mga personahe sa BJMP.
Gisunod gilayon ang lumba sa bangka diin gisalmutan kini sa 12 ka mga partisipante diin gipanguluhan ni Ariel Salawage ang personahe sa City Agriculture. Diin ang midaog sa unang set mao ang bangka nga gipanag- iyahan ni Clarence Caincay, sa may Central Barangay.
Ang ika duhang bangka nga midaog gipanag- iyahan ni Rhollen Elico sa barangay Olingan, ika tulo ang bangka nga gipanag-iyahan ni Juvy Lito Martinez sa may Sicayab, ug ang ika upat nga bangkang midaog gipanag-iyahan ni Marvel Aligba sa may barangay Barra.
Sa Final raising diin nag lumba ang 4 ka mga mananaog, ang nahimong champion mao ang Clarence Caincay diin gimaneho kini ni Franklin, ika tulong hugna niya kining maong kadaugan.
Sa laing bahin, ang champion makadawat ug Php. 10,000.00. Si Franklin nagpasalamat sa tag iya sa bangka nga maoy iyang gimaneho tungod sa ka maayo niini. “ako nagpasalamat sa ginoo nga iya kong giubanan, ug ako naga ampo sugod pa sa among balay hangtud nahuman ang lumba” kini matud pa ni Franklin. (Elvie S. Indag-DXKD OJT)