24-oras na pagta-trabaho ng FDA, DOST iniutos ni Duterte

Iniutos ni Pangulong Rodrigo Duterte na magtrabaho 24-oras ang Food and Drugs Administration (FDA) at Department of Science and Technology (DOST) para sa mabilis na pagtuklas ng lunas sa coronavirus disease 2019 (COVID-19).

Sa televised briefing ng pangulo, sinabi nito na dapat magdagdag ng mga tao ang dalawang ahensya para sa tuloy-tuloy na paghahanap ng lunas sa nakamamatay na virus.

Kasunod nito, nanawagan din si Pangulong Rodrigo Duterte sa mga health professionals maging sa bagong graduates na magbigay ng serbisyo sa FDA at DOST ngayong humaharap ang bansa sa krisis.