Dos nuevo species de Begonia, un clase de siembra, el ya descubri y documenta mga investigadores academicos na municipio del Presidente Manuel A. Roxas, Zamboanga del Norte.
Asegun con el oficina regional del Departamento de Medio Ambiento y Recursos Naturales o DENR del Viernes, con el dos nuevo especies que ya descubri na Barangay Sebod amo el Begonia kelumaged y Begonia pinulon.
Asegun con el DENR, ambos mga species ya encontra tra creci na tierra y piedra serca na rio y sapa y tambien na acantillados vertical.
“El descubrimiento de este dos nuevo species es evidente cay el forestall del Zamboanga del Norte rico en terminos de biodiversidad,” si Arturo Fadriquel, el oficial en cargao del oficina regional del DENR, ya habla.
Asegun con el DENR, el nombre del dos nuevo species todo estaba na dialect Subanen.
El Begonia kelumaged ta referi como el margen de hoja lacerada mientras el Begonia pinulon ta referi como un potaje donde el hojas ta usa como agente agrio. (B. Garcia)