Cebu City – Sa pipila ka adlaw ma kompleto na gyud ang gikahinaman nga iconic bridge sa Sugbo.
Gitrabaho karon ang nahibilin nga duha ka metros nga gap sa main deck sa Cebu-Cordova Expressway (CCLEX) bridge nga maoy nag dugtong sa Lungsod sa Cordova, isla sa Mactan ug sa Syudad sa Sugbo sa mainland Cebu.
“Good news! There are just 2 more meters to go before we close the gap at the main bridge deck of the Cebu-Cordova Link Expressway,” pahibaw sa project proponent Cebu-Cordova Expressway Corporation (CCLEC), Biyernes sa hapon, September 17.
Gitakdang ma fully operational ang bridge pipila ka buwan inag sud sa tuig 2022 ug gisaad sa CCEC nga mahuman ang construction sa dili pa ang formal opening niini.
Ang CCEX towers bantang sa seaview sa downtown Cebu City, nga maoy usa sa mga hinungdan nga giatngan ang pagkahuman sa maong proyekto.
Nakompleto ang pagtaud sa tanang 56 ka stay cables sa main bridge niadtong September 11, diin matag duha ka towers dunay 14 ka mga cables.
Ang upat ka low-height bridge sa Cordova side sa expressway sayo nga na kompleto,
Kini maoy mag silbi nga sea canals pag maintain sa fishing grounds ug pag preserve sa livelihood sa mga mananagat sa lugar.
Niining nagka dool na kahumanan sa CCLEX, hayan mag expect ang publiko nga masugdan ang diskusyon labot sa operations sa tollway express nga maoy mag govern sa maong expressway.
Duna na say lakang nga mag umol ug CCLEX board nga maoy mo panday ug mga sumbanan sa pagduma sa expressway, gikan sa pag pangolekta sa toll ngadto na sa identification sa traffic guidelines.
Sa mga naunang pamahayag, matod ni CCLEC President Alan Alfon, nga naglaraw sila nga tugtan ang pag gamit sa mga motorsiklo diha sa bridge, “under a certain weight class”.
Ang maong tulay gibutangan sab ug bike lane ug pedestrian pathway; kini nagpasabot nga dunay posibilidad nga ang mga bikers ug pedestrian tugtan nga maka gamit sa bridge.
Desisyonan pa hinoon kini sa mga opisyales sa Syudad sa Sugbo ug sa Lungsod sa Lungsod sa Cordova.
(News & photos courtesy of Cebu-Cordova Expressway Corporation (CCLEC))