Duha ka sakyanan ang aksidenteng nag bangga sa may alas 9:00 sa buntag ang takna duol sa Catholic Chapel sa Banicapt, Brgy. Galas ning dakbayan kagahapong adlawa.
Gi ila ang mga biktima nga sila Severo Almirol Tuastumban, 68 anyos, minyo ug lumulupyo sa maong brgy, kinsa mao ang drayber sa Daewoo Matiz color silver nga gatangag sa plakang JEN 244. Ug si Andes Mendes Timbas, 75 anyos, minyo ug lumulupyo sa Purok Anahaw Galas ning dakbayan ug drayber sa usa ka sakyanan nga Suzuki Multicab Van color maroon, nga may plakang JDN 9551.
Matud pa sa Inisyal nga imbistigasyon sa Kapulisan samtang gibaybay ni Tuastumban ang habagatang direksyon ug dapit na kini sa Catholic Chapel, kalit lang nikabat ang maong sakyanan sa wala sa pikas dalan hinungdan nga aksidente kining nabanggan sa gasunod nga sakyanan ni Timbas.
Nasayran nga ang duha ka sakyanan naka angkon lamang ug mga guba samtang ang mga drayber ni ini, anaa ra sa luwas nga kahimtang.
Kasamtangang anaa sa buhatan sa Dipolog Police Station ang mga sakyanan para sa tukmang disposasyon.
