DAKO ang pagtuo ni Governor Peter βSr.Pedroβ Unabia nga pinaagi sa proyektong pagpalambo sa kapitolyo dako og tabang alang sa kalambuan sa lalawigan. Kini human malampusong gipermahan ang Joint Venture Agreement (JVA) tali sa Kapitolyo Probinsyal ug A Brown Company, Inc.
Dugang ni Unabia nga nakita niya nga adunay assets ang Kapitolyo ug kini magamit hilabi na sa mga social programs.
Kahinumdumang gi-aprobahan sa Sangguniang Panlalawigan ang Ordinance 1613-2024 nga maghatag gahom ni Gov. Unabia pagpirma sa maong kasabutan. Samtang base sa Philippine Stock Exchange Disclosure Form 4-30 gi-aprobahan usab sa A Brown Board of Directors ang paghatag gahom sa ilang President ug CEO pagpirma sa JVA.
Base sa JVA ang proyekto ipatuman sa duha ka hugna diin ang una maglangkub sa pag-develop sa mga opisina, commercial/shopping center, park and parking facilities. Ang Phase 2 mao ang pagtukod sa multilevel Mixed-Use building with dormitory.
Uban nga mipirma ni Unabia sa JVA si A Brown Company President Robertino Pizarro, ABCI Legal Council Atty. Antonio Soriano ug inubanan sa pagsaksi sa Sangguniang Panlalawigan Members, Provincial Administrator John Venice Ladaga, mga Mayores ug Misamis Oriental Department Head Association (MODHA).
Kabahin kini sa tinguhang makubsan ang kalisod sa lalawigan ug PAGLAUM Development Agenda sa Gobernador sa Letrang P kon Participatory Governance.